Феликс Баумгартнер, як чатрбози нотарси австриягӣ аз баландии тақрибан 39 километрӣ ба Замин фуруд омад ва рекорди нави ҷаҳонӣ гузошт. Рекорди 52-солаеро, ки Ҷо Киттингер, як афсари нерӯҳои ҳавоии Амрико бо фуруд омадан аз баландии 31 километр гузошта буд. Феликс Баумгартнер ҳамчунин нахустин чатрбозе шуд, ки бо суръати тундтар аз суръати садо ҳаракат кард. Чатрбози 43-сола ин ҷасорати худро дар аёлати Ню Мексикаи Амрико нишон дод ва аз куррае поён ҷаҳид, ки дар қабати стратосфера қарор дошт. Ӯ либоси махсусе дошт, ки аз фишори зиёд муҳофизаташ мекард. Чатри ӯ тавре сохта шудааст, ки дар сурати аз ҳуш рафтанаш ба таври автоматик худаш боз мешавад, вале Феликс Баумгартнер худаш онро боз кард ва ба муроди чандинсолааш расид.