Пайвандҳои дастрасӣ

Расидагӣ ба мушкили муҳоҷирон аз тариқи Skype


Акс аз бойгонӣ

Хадамоти муҳоҷирати Тоҷикистон барои ҷилавгирӣ аз харҷу масрафҳои бештар, тарҳи ҷадиди ҳамкорӣ тариқи Skype-ро ба роҳ монд.

Абдулло Қодирӣ, сухангӯи Хадамоти муҳоҷирати Тоҷикистон рӯзи ҷумъа ба радиои "Озодӣ" гуфт, тарҳи мазкур бо маблағгузории Хадамоти анҷом дода шудааст ва барои санҷиш интизор меравад дар охирҳои моҳи сентябр нахустин гуфтугӯи онлайни видеоиро бо Хадамоти муҳоҷирати вилояти Маскав баргузор кунанд.

Ин нахустин таҷрибае ҳаст ва Хадамоти муҳоҷирати назди ҳукумати Тоҷикистон мехоҳад аз сафарҳои пурхарҷи ҳайатҳо ба вилояту шаҳрҳои Русия худдорӣ кунад ва аз роҳи Skype ҳамаи масоили марбут ба муҳоҷират, шурӯъ аз пайдо намудани ҷои кор то имзои қарордоду соизишномаҳоро танзим намояд.

Ба иттилои Хадамоти муҳоҷират, агар ин барнома натиҷаи мусбат диҳад, пас аз Русия бо кишвари Белорусия низ равобит ва тамос аз тариқи Skype-ро ба роҳ хоҳанд монд.

Дасрасӣ ба интернети бесим мушкили аксари муҳоҷирони тоҷикро осонтар намудааст ва ҳоло онҳо бо пайвандони худ бо ин васила дар тамос мешаванд. Акнун онҳо бо хешу табори худ онлайн дар тамос шуда, аз шабакаҳои иҷтимоӣ назири Фейсбук, Мой Мир ва василаҳои иртиботи назири Skype низ истифода мекунанд.

Тибқи омори расмӣ шумори истифодабарандагони Интернет дар Тоҷикистон беш аз 2 миллион нафар арзёбӣ мешавад. Шумори истифодабарандагони Интернет сарфи назар аз илова шудани андози аксизӣ ва боло рафтани қиммати он, рӯ ба афзоиш аст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG