Пайвандҳои дастрасӣ

Дар Қазоқистон 9 гумонбари терроризм кушта шуд


Дар пайи амалиёти махсуси нерӯҳои амниятӣ 9 нафари мазнун дар амалҳои террористӣ дар Қазоқистон кушта шудаанд.

Мақомоти расмии Қазоқистон аз кушта шудани нӯҳ нафари мазнун ё гумонбар дар амалҳои террористӣ дар вилояти Алматии ин кишвар хабар доданд.

Амалиёти вижаи нерӯҳои амниятӣ барои боздошт ва безарар гардонидани ин афрод соати панҷи субҳи 17-уми август оғоз ёфтааст.

Дар аввал маъмурони пулис чанд фардро, ки барои иштирок дар амалҳои террористӣ гумонбар дониста мешуданд, таҳти назорат гирифтааст. Аммо баъдан, ҳангоми боздошт онҳо муқобилат карда, сӯи нерӯҳои давлатӣ тир холӣ кардаанд.

Гуфта мешавад, дар ин ҳодиса як тан аз маъмурони пулис ҷароҳат бардоштааст. Мақомоти расмии Қазоқистон мегӯянд, аммо сокинони маҳаллӣ аз ин ҳодиса осеб надидаанд. То замони шурӯи амалиёт сокинон аз манзилҳои худ ба берун бароварда шудаанд.

Ин ҳодиса дар шабакаҳои иҷтимоӣ бозтоби густурда доштааст. Айнур Нуртай, яке аз сокинони Алматӣ, дар сафҳаи худ дар Твиттер навиштааст, "дар Алматӣ чӣ мегузарад? Хоҳарам дар Мирас кор мекунад. Барои ба кор рафтан иҷоза намедиҳанд..." Мисли ӯ чанд нафари дигар дар изтироб афтода, суол кардаанд, ки "Барои чӣ иттилои дақиқ нест? Барои чӣ пулис хомӯш аст?"

Хабарнигори бахши қазоқии Радиои Озодӣ аз маҳалли ҳодиса мегӯяд, ин дувумин ҳодисаи "фавқулода" дар рӯзҳои ахир дар Алматист. Дар оғози ҳафта, ба гуфтаи ӯ, дар Оқсой 11 нафар ваҳшиёна кушта шуда буданд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG