Пайвандҳои дастрасӣ

Футболбози тоҷик қарордодашро бо "Андиҷон" лағв кард


Фарҳод Тоҳиров, ҳамлагари дастаи мунтахаби футболи Тоҷикистон

Фарҳод Тоҳиров, ҳамлагари дастаи мунтахаби футболи Тоҷикистон, қарордодашро бо тими "Андиҷон"-и Узбакистон лағв кард.

Дар ин бора худи футболбоз ба дафтари матбуоти Федератсияи футболи Тоҷикистон хабар додааст.

“Ман аз дастаи “Андиҷон” меравам ва ин тасмими гирифтаам қатъист. Вале ҳоло дар куҷо бозӣ карданамро муайян накардаам. Ва аммо ба Тоҷикистон бармегардам. Ман омодаам, ки таклифҳои дастаҳои лигаи олии Тоҷикистонро баррасӣ намоям”,-гуфтааст Тоҳиров.

Ёдовар мешавем, Фарҳод Тоҳиров аз тими “Истиқлол”-и Душанбе баъд аз анҷоми бозиҳои дастаи мунтахаби миллии Тоҷикистон дар мусобиқаи ниҳоии Ҷоми даъвати АФК дар Непал ба бошгоҳи футболи “Андиҷон” гузашта буд.

“Дрогба”-и тоҷик дар ҳайати “Андиҷон” дар дивизиони олии мусобиқаи қаҳрамонии Узбакистон танҳо дар як бозӣ муқобили "Нефтчӣ"-и Фарғона як гол задааст. Дастаи “Андиҷон” баъд аз натиҷагирии давраи аввали мусобиқот бо 11 имтиёз аз 13 бозӣ дар ҷадвал дар ҷойи 13-ум қарор дорад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG