Бозиҳои олимпии Лондон расман рӯзи ҷумъа оғоз хоҳад ёфт, вале мусобиқот байни тимҳои занонаи футбол алакай шурӯъ шудааст. Дирӯз тими Бритониё бар Зеландияи нав ғолиб омад. Амрикову Ҷопон, Кореяи шимолӣ ва Бразилияву Шветсия низ дар даври аввал баранда шуданд. Бозии Кореяи шимолӣ бо Колумбия як соат дер оғоз шуд, чунки бозигарони кореягӣ ба ин далел, ки ба ҷои парчами Пхенян иштибоҳан парчами рақибаш – Кореяи ҷанубиро афрохтанд, ба майдон набаромаданд. Масъулони Олимпиада аз ин тим маъзарат хостаанд.
Нахустин рақобатҳои олимпӣ дар Лондон
