Пайвандҳои дастрасӣ

Маъмурони вазорати корҳои дохилӣ муҷозот шуданд


Акс аз бойгонӣ

Вазири умури дохилӣ ҳудудан 20 раҳбару фармондеҳи БДА ва "Воҳиди махсус"-и вазоратро ҷазо дод.

Бино ба иттилои маркази матбуотии вазорати умури дохилии Тоҷикистон, сардори ситоди «Воҳиди махсус» полковник Маҳмадалӣ Раҳимов, сардори шӯъбаи оперативӣ-ҷустуҷӯии "Воҳиди махсус" полковник Миралӣ Ҷалолов танбеҳ гирифтаанд ва ба фармондеҳи баталиони "Воҳиди махсус" подполковник Азизулло Каримов танбеҳи қатъӣ эълон шудааст.

Ҳамчунин сардорони Бозрасии давлатии автомобилии вилояти Хатлон ва шаҳри Турсунзода, муовини сардори БДА дар шаҳри Душанбе низ танбеҳ гирифтаанд.

Рамазон Раҳимов, вазири корҳои дохилӣ раҳбарони БДА ва "Воҳиди махсус"-ро барои фориғболӣ дар иҷрои дастуру супоришҳои роҳбарияти вазорат, дуруст ба роҳ намондани фаъолият, интизоми пасти хизматии ҳайати шахсӣ, сари вақт иҷро нашудани талабот, дар сатҳи зарурӣ ба роҳ намондани корҳои оперативӣ-ҷустуҷӯӣ, натиҷаҳои пасти хизматӣ дар самти кофтукови ҷиноӣ, назорати суст аз болои зердастон, нодуруст татбиқ намудани Қонуни забони давлатӣ ва ғайра танбеҳ додааст.

Қаблан Хокиро Сӯфиев, сарвари БДА-и шаҳри Ваҳдат барои даст доштан дар садамаи нақлиётӣ, аз вазифа сабукдӯш шуда буд.

Муҷозоти раҳбарони БДА, "Воҳиди махсус" ва масъули амнияти ҳаракати раисҷумҳури Тоҷикистон ва меҳмонони баландмартаба, зимни як ҷаласаи вазорати корҳои дохилии Тоҷикистон сурат гирифтааст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG