Дар яке аз муассисаҳои тиббии Душанбе тифли сесоларо гирифтори вируси заъфи масунияти бадан СПИД кардаанд. Дар ин бора оҷонсии Азия-Плюс хабар дода мегӯяд, ки волидони духтарчае, ки аз дарди дил азият мешавад, ба ҳангоми омодагӣ ба амалиёти ҷарроҳӣ хабар ёфтанд, ки хуни духтари онҳо олуда ба ин вируси марговар будааст. Модари духтарак, ки номаш ба таври рамзӣ Сабоҳат гуфта мешавад, ният дорад дар наздиктарин фурсат ба вазорати умури дохила ва беҳдошт барои таҳқиқи ин ҳодиса ва ба муҷозот кашондани гунаҳгорони олудашавии духтараш муроҷиат кунад.