Пайвандҳои дастрасӣ

Эмомалӣ Раҳмон фардо ба Чин хоҳад рафт


Эмомалӣ Раҳмон дар канори Ҳу Ҷинтао ва Дмитрий Медведев
Раисиҷумҳури Тоҷикистон Эмомалӣ Раҳмон рӯзи 1 июн бо як сафари расмӣ ба Чин хоҳад рафт. Боздиди расмии оқои Раҳмон аз Чин 5 рӯз идома ёфта, рӯзи 5 июн мулоқоти ӯ бо ҳамтои чиниаш Ҳу Ҷинтао пешбинӣ шудааст. Чин бузургтарин сармоягузор ба иқтисоди Тоҷикистон маҳсуб шуда, қарзи Душанбе аз Пекин ба 900 миллион доллар наздик мешавад.
Эмомалӣ Раҳмон, ҳамин тавр, рӯзҳои 6 ва 7 июн дар Пекин дар нишасти сарони кишварҳои узви Созмони ҳамкориҳои Шанхай ширкат мекунад. Ин созмон Чину Русия ва 4 кишвари Осиёи Марказӣ, аз ҷумла Тоҷикистонро дар бар мегирад.
XS
SM
MD
LG