Андрей Санникав – рақиби собиқи раисиҷумҳури Беларус Аляксандр Лукашенка- дар интихоботи соли 2010 – аз зиндон раҳо шудааст. Санникав – собиқ муовини вазири хориҷа – баъди саркӯбии эътирозҳои пасоинтихоботӣ дар қатори аксари рақибони дигари Лукашенка боздошт ва маҳкум ба зиндон шуд. Санникав рӯзи шанбе баъди раҳоияш ба Радиои Озодӣ гуфт, ба ҳамаи онҳое ки аз ӯ ҳимоят карданд, изҳори сипос мекунад.
