Пайвандҳои дастрасӣ

Искандари Рустам - соҳиби роҳхат ба Олимпиадаи Лондон


Искандари Рустам, паҳлавони тоҷик дар риштаи гуштии озод, дар мусобиқаи интихобии осиёӣ дар Остонаи Қазоқистон соҳиби роҳхат ба бозиҳои тобистонаи олимпӣ дар Лондон гардид.

Ӯ дар рақобатҳо дар вазни то 96 килограм дар даври чаҳорякниҳоӣ бар рақибаш Суи Хияоченг аз Чин ғолиб омад ва дар даври ниманиҳоӣ Ҷорханд Худербулгаи муғулро шикаст дод.

Искандари Рустам дар қувваозомии ниҳоӣ бо Қурбон Қурбонови узбакистонӣ рақобат кард ва шикаст хӯрд.

Ба ҳамин тартиб, бар асоси низомномаи ин мусобиқа Искандари Рустам барои ҷои дувум ҳаққи ширкат дар Олимпиадаи Лондон-2012-ро ба даст овард.

Бояд гуфт, ӯ панҷумин варзишгари тоҷик аст, ки соҳиби роҳхат ба бозиҳои 30-юми толбистони олимпӣ дар Лондон гардидааст. Аз ин пеш, гурзандоз Дилшод Назаров, муштзан Анвар Юнусов, таэквандочиён Алишер Гулов ва Фарҳод Неъматов роҳхатҳои олимпиро ба даст овардаанд.

Се варзишгари Тоҷикистон дар Олимпиадаи Лондон-2012 бо имтиёз ё аз рӯи квота ширкат хоҳанд кард. Паҳлавонони дигари тоҷик, ки дар миёни онҳо Юсуф Абдусаломов низ ҳаст, дар шаҳри Остона дар мусобиқаи интихобии олимпӣ оид ба гуштии озод ва гуштии юнониву румӣ барои роҳхатҳои олимпӣ талош мекунанд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG