Пайвандҳои дастрасӣ

Боздошти сарҳанги Оҷонси зидди маводи мухаддир


Бинои Оҷонсии назорат бар маводи нашъадори Тоҷикистон.(акс аз бойгонӣ)

Оҷонсии назорат бар маводи нашъадор боздошти кормандаш Р. Мирзоаҳмедовро таъйид кард, аммо иттиҳоми аслии боздоштро шарҳ надод.

Як масъули Оҷонсии назорат бар маводи нашъадор ба Радиои Озодӣ гуфт, дар заминаи ин боздошт ва ангезаҳои он то ҳол маълумоти расмии Додситонии кулл ва Кумитаи давлатии амнияти миллиро дарёфт накардаанд. Ин манбаъ гуфт, оҷонси мехоҳад, сабаби боздошт ва далоили онро дақиқ намояд.

Қаблан хабар дода будем, ки боздошти сардори Раёсати ҷустуҷӯи фаврии Оҷонси зидди маводи мухаддир Равшанбек Мирзоаҳмедов ҳудудан даҳ рӯз қабл бо иттиҳоми зиёдаравӣ дар иҷрои салоҳиятҳояш боздошт шудааст.

Масъули оҷонсӣ даст доштани Мирзоаҳмедов дар қочоқӣ маводи мухаддирроо рад кард ва гуфт, ки ӯ танҳо аз рӯи моддаҳои 314 ва 315 - зиёдаравӣ дар иҷрои салоҳиятҳои Кодекси ҷиноӣ муттаҳам мешавад.

Равшанбек Мирзоаҳмедов аз кормандони қадимии Оҷонсии мазкур буд, ки фаъолияташро аз замони ташкилшавии ин ниҳод шурӯъ кард ва то замони боздошт дар вазифаҳои гуногун, аз ҷумла сардори шӯъбаи Раёсати фаврӣ, сардори Раёсати сайёри оперативӣ, сардори шӯъбаи амнияти дохилӣ ва тақрибан 3 - 4 моҳ ба ин сӯ сардори Раёсати фаврӣ- ҷустуҷӯӣ кор кардааст. Ӯ аз соли 1981 дар мақомоти ҳифзи ҳуқуқ фаъолият дошт ва рутбаи сарҳанг ё полковники хизмати назорати маводи нашъаоварро дарёфт кардааст.

Дар гузашта низ Оҷонси назорати маводи нашъадори Тоҷикистон аз боздошти 7 кормандаш бо иттиҳомоти гуногун гузориш дода буд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG