Аксари кулли расонаҳои ҷаҳонӣ хабар доданд, ки мақомоти Тоҷикистон дастрасӣ ба шабакаи иҷтимоии “Фейсбук” ва чанде аз сомонаҳои интернетиро маҳдуд кардаанд. Онҳо мегӯянд, нашри чанд матлаби интиқодӣ ва пайнавишти як ҷаласаи махфии ҳукумати Тоҷикистон сабаби ин иқдом шудааст. Вале агар ширкатҳои интернетрасони “Сатурн Онлайн”, “Бабилон-М”, “Тоҷнет”, “Т-Селл” ин сафҳаҳоро қаблан дар рӯзи шанбе баста буданд, ширкатҳое монанди "Телеком Текнолоҷӣ" ва "Мегафон" низ субҳи душанбе дастрасӣ ба Фейсбукро қатъ карданд. Иқдоми фароҳамоварони интернет пас аз як номаи Хадамоти алоқаи назди ҳукумати Тоҷикистон ба онҳо сурат гирифтааст.
