Имрӯз дар Афғонистон дар ҷараёни эътирозҳо алайҳи оташ задани “Қуръон” дар як пойгоҳи НАТО аз тири пулис дастикам 7 нафар ҷон бохтаанд. Ба гуфтаи мақомот, якнафарӣ дар Кобулу Ҷалолобод ва вилояти Лугар кушта шуданд. Дар улусволии Шинвор баъди ҳамла ба пулис дар наздикии фурудгоҳи Багром 4 тазоҳургар сари тир шуданд. Китобҳои “Қуръон”-ро рӯзи душанбе аз “беэҳтиётӣ” дар ҳамин пойгоҳ сӯзондаанд ва Амрико барои ин иштибоҳ узр хост. Сафорати Амрико ба кормандонаш тавсия дод, ки ба далоили амниятӣ имрӯз берун нараванд.