Имрӯз билохира як гурӯҳи наҷотбахши Кумитаи ҳолоти изтирории Тоҷикистон тавонист ба минтақаи Майхӯраи шоҳроҳи Душанбе –Хуҷанд бирасад ва то 50 нафар аз бандмондагонро аз маҳалли тарма ба ҷои амн кӯчонад. Хабарнигори Озодӣ мегӯяд, имрӯз асосан занони кӯдакдорро берун кашидаанд. Рехтани тарма боиси банд мондани даҳҳо ронандаву мусофир ва қатъи ҳаракати нақлиёт дар ин ягона масири байни марказ ва шимоли Тоҷикистон шудааст.
