Вазорати корҳои хориҷаи Тоҷикистон хабар додааст, ки дар Исломобод ҷаласаи комиссияи байниҳукуматии Покистону Тоҷикистон оид ба ҳамкориҳои тиҷоративу иқтисодӣ баргузор мешавад. Дар ин бора дар ҷараёни мулоқоти Зубайдулло Зубайдуллоев-сафири Тоҷикистон дар Исломобод бо Саид Навид Камар-вазири захоири обӣ ва энержии Покистон тавофуқ ба даст омадааст.