Ба иттилои Фаридун Солиев, сухангӯи Федератсияи футболи Тоҷикистон, ҷамъомади таълимиву тамринии мунтахаби кишвар дар шаҳри Белеки Туркия таҳти раҳбарии сармураббии нави даста Кемал Алиспахич, мутахассиси 46-солаи босниягӣ, ва ёваронаш Мубин Эргашев ва Аслиддин Ҳабибуллоев (мураббии дарвозабонҳо) ҷараён дорад.
Футболбозони тоҷик дар Туркия ба бозии сабқати интихобии Ҷоми ҷаҳон-2014 бо тими Кореяи Шимолӣ дар шаҳри Хуҷанд (29-уми феврал) ва сабқати ниҳоии Ҷоми даъвати АФК-2012 дар Непал (8-18 март) омодагӣ мебинанд.
Ба иттилои ҷаноби Солиев, бозии санҷишии мунтахаби Тоҷикистон бо тими лигаи олии Узбакистон - «Шуртан»-и Гузар имрӯз, 15 феврал, соати 14 ба вақти Душанбе шурӯъ мешавад.
Рӯзи 18-уми феврал футболбозони тоҷик бо қаҳрамони дукаратаи Руминия - ЧФР «Клуж» рақобат мекунанд. Бояд гуфт, ки ин даста ду бор дар Лигаи қаҳрамонҳои Аврупо ширкат кардааст ва, минҷумла, бар «Рома»-и Италия пирӯз шуда, бозиро бо «Челси»-и Лондон бо ҳисоби мусовӣ анҷом додааст.
Боз як бозии контролии мунтахаби Тоҷикистон дар Туркия рӯзи 21-уми феврал дар назар аст, вале ҳоло тими рақиб муайян нашудааст.
Футболбозони тоҷик дар Туркия ба бозии сабқати интихобии Ҷоми ҷаҳон-2014 бо тими Кореяи Шимолӣ дар шаҳри Хуҷанд (29-уми феврал) ва сабқати ниҳоии Ҷоми даъвати АФК-2012 дар Непал (8-18 март) омодагӣ мебинанд.
Ба иттилои ҷаноби Солиев, бозии санҷишии мунтахаби Тоҷикистон бо тими лигаи олии Узбакистон - «Шуртан»-и Гузар имрӯз, 15 феврал, соати 14 ба вақти Душанбе шурӯъ мешавад.
Рӯзи 18-уми феврал футболбозони тоҷик бо қаҳрамони дукаратаи Руминия - ЧФР «Клуж» рақобат мекунанд. Бояд гуфт, ки ин даста ду бор дар Лигаи қаҳрамонҳои Аврупо ширкат кардааст ва, минҷумла, бар «Рома»-и Италия пирӯз шуда, бозиро бо «Челси»-и Лондон бо ҳисоби мусовӣ анҷом додааст.
Боз як бозии контролии мунтахаби Тоҷикистон дар Туркия рӯзи 21-уми феврал дар назар аст, вале ҳоло тими рақиб муайян нашудааст.
