Пайвандҳои дастрасӣ

Хабари нав

Ҳалокати 17 кас дар даргириҳои байни қабилаҳои Либия


Тайи ду рӯзи ахир бар асари даргириҳо миёни қабилаҳои ал-зуайя ва табу дар шаҳри Куфраи Либия дасти кам 17 нафар кушта ва 22 тани дигар маҷрӯҳ шуданд.

Намояндаи Шӯрои миллии гузори Либия Муҳаммад ал-Ҳаризӣ дар сӯҳбат бо Франс-Пресс гуфт, ки айни ҳол ҷонибҳо дар ҷустуҷӯи роҳи мусолиҳаанд.

Даргириҳо баъди он шурӯъ шуданд, ки се рӯз пеш дар шаҳри Куфра як узви қабилаи ал-зуайя аз дасти се марди сиёҳпӯст, ки гуфта мешавад мансуб ба қабилаи табуянд, ба ҳалокат расид.
XS
SM
MD
LG