Ҳилларӣ Клинтон-вазири корҳои хориҷаи Амрико бо Вунна Маунг Лвин-вазири корҳои хориҷаи Мианмар ё Бирма ва бо Аунг Сан Су Чӣ-барандаи ҷоизаи Нобел ва раҳбари мухолифони ин кишвар телефонӣ гуфтугӯ кард. Ин гуфтугӯ дар ҳоле анҷом гирифт, ки як рӯз пеш Амрико эълон кард, ки бо Мианмар муносиботи дипломатиро барқарор мекунад. Хонум Клинтон дар ин гуфтугӯи телефонӣ изҳор доштааст, ки ислоҳоти нав аз сӯи Амрико тақдир карда мешавад.
