Пайвандҳои дастрасӣ

Ҳабси гурӯҳи тундгароён дар шаҳри Душанбе


Дар шаҳри Душанбе як гурӯҳи панҷнафара ба иттиҳоми узвият дар созмони мамнӯи "Ҳизбуттаҳрир" боздошт шудаанд.

Ба иттилои манобеи интизомии Тоҷикистон, ҳамаи боздоштшудагон ҷавонони синнашон аз 30 то 38-сола буда, яке аз онҳо қаблан низ барои фаъолиятҳои мазҳабӣ боздошт шудааст.

Ба гуфтаи ин манбаъ, аз қароргоҳи онҳо воқеъ дар хиёбони Неъмат Қарабоеви пойтахт беш аз 100 китоб ва варақаҳои мазмуни таблиғотӣ дошта, ҳамчунин ноутбук, флешкорт ва 116 навори таблиғотӣ кашф ва мусодира шудааст.

Фаъолияти Ҳизбуттаҳрир дар Тоҷикистон ҳанӯз соли 2001 манъ шуда, Додгоҳи олӣ се сол пеш онро ба рӯйхати созмонҳои ифротӣ шомил кард. Бино ба гуфтаи мақомот, ҳадафи Ҳизбууттаҳрир сарнагун кардани ҳукуматҳои демократӣ ва бунёди як хилофати исломӣ дар минтақаи Осиёи Марказӣ будааст.

Дар тӯли 10 соли ахир ахир, теъдоди зиёди пайравони ин ҳизб барои содир намудани аъмоли ғайриқонунӣ, назири паҳн кардани шабномаҳо, адабиёти мазҳабӣ ва даъват барои сарнагунии низоми демократии кишвар боздошт ва ба муддатҳои тӯлонӣ маҳкум ба зиндон шудаанд.

Аммо бо ин ҳам гуфта мешавад, ки пайравони ин гурӯҳ ба фаъолиятҳои худ бо ҳар роҳ идома медиҳанд ва соли гузашта маҷаллаи ин созмон бо номи "Cубҳи хилофат" нашр гардид, ки он бо забони тоҷикӣ ва бо муқоваи ранга дар 54 саҳифа чоп шуда буд.

Шарҳҳоро бинед (23)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG