Фаъолони ҳуқуқ дар Миср мегӯянд, дар ҷараёни тазоҳуроти эътирозӣ дар задухӯрди миёни эътирозгарони зидди ҳукуматӣ ва нируҳои пулис 50 нафар маҷрӯҳ шудаанд. Эътирозкунандагон ба сӯи пулис сангандозӣ кардаанд ва мошинҳоро ба оташ кашидаанд. Пулис ба сӯи онҳо оташ кушодааст то 300 нафар тазоҳуркунандаро пароканда созад. Эътирозкунандагон 3 ҳафта дар назди даромадгоҳи бинои ҳукумат нишастаанд ва нахуствазир Камол ал Ганузиро нагзоштаанд вориди бино шавад. Ганузӣ аз давраи Ҳуснӣ Муборак ин мақомро ӯҳдадор буд ва вайро бахше аз режими қаблӣ мешиносанд.
