Муовини фармондеҳи Толибони Покистон имрӯз таъйид кард, ки як гурӯҳи онҳо дар Исломобод бо намояндагони ҳукумати Покистон музокироти сулҳ анҷом медиҳад. Мавлавӣ Фақирмуҳаммад-фармондеҳи гурӯҳи Таҳрики Толибони Покистон дар минтақаи қабиланишини Баҷавр ва дуввумин фармондеҳи Толибони Покистон ба хабаргузории Ройтерз гуфт, “Музокироти мо дар самти дуруст пеш меравад”. Аммо мақомоти расмии Покистон то ҳол таъйид накардаанд, ки воқеан чунин музокирот анҷом мегирад ё хайр.
