Имрӯз, 22 октябр, додгоҳи вилояти Хатлон ба бозбинии ҳукми халабонҳои рус Владимир Садовничий ва Алексей Руденко шурӯъ мекунад. Имрӯз вазири хориҷаи Русия Сергей Лавров ба Молдова ва раисиҷумҳури Туркманистон Қурбонқулӣ Бердимуҳаммадов ба Чин сафар хоҳанд кард. Кумитаи ҳуқуқи башари Маҷмаъи умумии СММ имрӯз дар Ню-Йорк қатъномаи Сурияро мавриди раъйгирӣ қарор медиҳад. Дар Боку имрӯз ҳамоиши серӯзаи ҳамкориҳои иқтисодии Осиёи Марказӣ оғоз меёбад. Ва 22 ноябри соли 1963 раисиҷумҳури вақти Амрико Ҷон Кеннедӣ бар асари як сӯъиқасд дар Далласи аёлати Тексас дар синни 46-солагӣ кушта шуд.
