Юсуф Акобиров, адиби шинохтаи тоҷик дар синни 75-солагӣ шаби гузашта даргузашт. Ӯ ки бо романҳои “Норак”, “Замини падарон” ва “Водии муҳаббат” дар солҳои шӯравӣ шӯҳратёр гашт, соли 1937 дар шаҳри Бухоро ба дунё омада ва бақияи умри худро дар Тоҷикистон сипарӣ кардааст. Юсуф Акобиров барои офаридаҳояш соли 1980 ҷоизаи мӯътабари адабии Иттиҳодияи нависандагони шӯравии собиқ ва Ҷоизаи давлатии ба номи Рӯдакиро соҳиб шудааст.
