Бино ба гузоришҳо, нируҳои вафодор ба ҳукумати давраи гузор ё Шӯрои Миллии Гузори Либия баъзе аз қисматҳои шаҳри Сирте, зодгоҳи Муаммар Қаззофиро зери назорати худ даровардаанд. Субҳи рӯзи ҷумъа ин нируҳо ҳамлаи густарда ба Сиртеро оғоз карданд. Дар ин ҳамла аз оташи тупхона ва аз тонкҳо истифода ба амал омад. Ҳазорон нафар сокинони ин шаҳри соҳилӣ аз Сирте фирор кардаанд, зеро задухӯрд дар он шиддат гирифтааст ва барои сокинон шароити навмедкунанда пеш омадааст.
