Дар мулоқоти вазири умури хориҷии Тоҷикистон Ҳамроҳхон Зарифӣ ва сафири Иёлоти Муттаҳида дар Тоҷикистон Кеннет Гросс рӯзи чаҳоршанбе масъалаҳои марбут ба ҳамкориҳои ду кишвар, фароянди омодагии Тоҷикистон ба узвият дар Созмони Ҷаҳонии Тиҷорат, ҳамкориҳои минтақаӣ баррасӣ шуданд. Торнамои Вазорати умури хориҷии Тоҷикистон ҳамчунин менависад, дар ин вохӯрӣ «масъалаҳои дигари маврди алоқаи тарафайн» низ мавриди гуфтугӯ қарор гирифт.
