Порлумони Ӯзбакистон қонунеро тасвиб кард, ки бар асоси он фурӯши маҳсулоти спиртӣ ва тамоку ба ҷавонони то 20-сола мамнӯъ аст. “Қонун доир ба маҳдуд кардани фурӯш ва истеъмоли маҳсулоти спиртӣ ва тамоку” рӯзи ҷумъа дар палатаи болоии Ӯзбакистон тасвиб шуд ва бар асоси он истеъмоли тамоку ва машрубот дар маконҳои умумӣ ва давлатӣ мамнӯъ шудааст. Қонуни мазкур баъди нашр дар расонаҳои давлатӣ ҳукми иҷро мегирад.
