Беларус таҳримоти иқтисодии Амрико “таҷовуз” хонд ва танқид кард. Сарвазири Беларус Михаил Мясникович имрӯз дар Маскав гуфт, таҳримоти ҳафтаи гузашта дар посух ба саркӯбии мухолифин эъмолкардаи Амрико ба ширкатҳое, ки бо Русия робита доранд, зарба мезанад. Таҳримоти Амрико 4 ширкатеро дар бар мегирад, ки ба як ширкати марбут ба раҳбари худкомаи Беларус Аляксандр Лукашенка тааллуқ доранд ваё аз сӯи ин ширкат назорат мешаванд.
