Абдулмаҷид Достиев, сафири Тоҷикистон дар Маскав, мегӯяд, ҳуввияти ҷавони тоҷик, ки навори латукӯби бераҳмонаи ӯ аз тарафи сартарошидаҳои рус чанде пеш нашр шуд, муайян шудааст. Ӯ дар сӯҳбат бо Радиои Озодӣ гуфт, ҷавони ҷабрдида Давлат Хуҷамуродов, аз деҳаи Сайёди ноҳияи Шаҳритус будааст. Сартарошидаҳои рус навори бедодгарии худ ва латукӯби бераҳмонаи ин муҳоҷири кориро дар интернет нашр карданд, ки хашми бисёриҳоро барангехт. Дипломати тоҷик гуфт, аз ҳукумати Русия хостааст, масъулони ҷиноятро ба муҳокима кашад.
