Ҳавошиносон мегӯянд, дамои ҳаво дар Тоҷикистон, ки рӯзҳои аввали моҳи Рамазон ба азоби мардуми рӯзадор афзуд, аз 8 август ба он сӯ як андоза фурӯ хоҳад нишаст. Парвина Саидҷамолова, коршиноси Маркази ҳавошиносии Тоҷикистон ба «Азия Плюс» гуфтааст, ки то 8 август ҳарорат то сатҳи бесобиқаи 42 дараҷа боло хоҳад хест, вале баъдан то 5-6 дараҷа пойинтар хоҳад рафт. Ӯ афзуд, баландтарин ҳарорат дар моҳи август дар пойтахти Тоҷикистон 41 дараҷа буд, ки дар солҳои 1982 ва 1994 сабт шуда буд. Феълан ҳарорат дар Душанбе қариб 40 дараҷа будааст.
