Ҳамроҳхон Зарифӣ-вазири корҳои хориҷаи Тоҷикистон аз Туркманистон боздид мекунад. Боздиди вай аз ин кишвар ду рӯз давом мекунад ва вай бо Рашид Мередов-вазири корҳои хориҷа ва муовини нахуствазир ва Қурбонгулӣ Бердимуҳаммадов-раиси ҷумҳури Туркманистон дидор ва дар бораи ҳамкориҳои дуҷониба гуфтугӯ мекунад. Музокироти вазири корҳои хориҷаи Тоҷикистон аслан ба ҳамкориҳо дар бахши нафт, энерживу сохтмон ва нақлиёт ихтисос хоҳад дошт.