Таҳлилгарони Қирғизистон мегӯянд, баъзе намояндагони порламони ин кишвар манофеи тиҷоратӣ доштаанд ва чунин манофеъро Қонунии Асосии кишвар барои намояндагон ҳангоми тасвиб ё райдиҳӣ ба қонунҳо дар порламон иҷоза намедиҳад. Мелис Сатибеков-муовини Шӯрои низори вазорати захоири табиии Қирғизистон рӯзи чаҳоршанбе гуфт, хатаре вуҷуд дорад, ин намояндагони порламон аз манофеи тиҷоратӣ ё соҳибкории худ дар порламон дифоъ кунанд. Чолпонқул Арабаев-мудири Хадамоти кадрии Қирғизистон бар ин ақида аст, ки Қонуни Асосӣ на танҳо ба аъзои порламон, балки ба шахсиятҳои расмӣ низ иҷоза намедиҳад, ки тиҷорати худро дошта бошанд.