Куммиссиюни Покистон дар чаҳорчӯби таҳқиқи парвандаи қатли раҳбари шабакаи Ал-Қоида Усома Бин Лодин пайвандони ӯро аз тарки қаламрави ин кишвар манъ кард. Мақомоти Покистон қаблан барои ба зодгоҳаш –Яман – рафтани яке аз ҳамсарони Бин Лодин омодагӣ нишон медоданд. Усома Бин Лодин рӯзи 2 май дар натиҷаи як амалиёти нирӯҳои вижаи Амрико дар Аббатободи Покистон кушта шуд. Се ҳамсар ва чанд фарзанди ӯ ба дунбол боздошт шуданд.
