Пайвандҳои дастрасӣ

ИА ба баҳси асароти E.coli хоҳад пардохт


Вазирони кишоварзии ИА рӯзи сешанбе дар як нишасти изтирорӣ дар Люксембург асароти шуйюъи бактерия барои тавлидкунандагони сабзавот дар ин қора ва имкони ҷуброни хисороти расида ба кишоварзонро баҳс хоҳанд кард. Омори расмие ҳанӯз дар даст нест, вале тавлидкунандагон дар Испания хисороти худро дар пайи шуйюъи бактерияи кушандаи
E.coli, ки дар оғоз манбаъаш иштибоҳан бодиринги испанӣ ном бурда шуд, садҳо миллион евро баровард мекунанд. Мақомоти беҳдоштии Олмон акнун то куҷо манбаъи ин бактерия будани як навъи лубиёи маҳаллиро таҳқиқ мекунанд. Бино ба омори Маркази аврупоии ҷилавгирӣ ва назорати амроз, 2000 нафар ба E.coli гирифтор шуда, 22 нафар аз он даргузаштаанд. 21 мавриди ҳалокат аз ин бактерия дар Олмон рух додааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG