Мишел Платинӣ, раиси шинохтаи УЭФА ва ё Иттиҳодияи федератсиюнҳои футболи Аврупо ба хотири ошноӣ бо вазъи футбол дар Тоҷикистон моҳи оянда ба Душанбе сафар мекунад. Ба иттилоъи Федератсиюни Футболи Тоҷикистон зимни боздид дар рӯзҳои 8 ва 9 июн ӯ бо мақомоти баландпояи ҳукумат мулоқот анҷом хоҳад дод. Мишел Платинӣ аз футболбозони фаронсавии маъруфи солҳои 80-ум дар Аврупо аст, ки шӯҳрати ҷаҳонӣ дорад.
