Ҳалокати 16 нафар дар инфиҷоре дар шаҳри Ҳилла

Дар шаҳри Ҳиллаи Ироқ бар асари таркиши мошини ҳомили маводи тарканда 16 нафар кушта шуда тақрибан 40 тани дигар ҷароҳат бардоштаанд.

Мошин дар канори қароргоҳи полис гузошта шуда буд, аз ин рӯ бахши аъзами қурбониён ва осебдидагон – кормандони ҳифзи тартиботанд.

Фақат моҳи гузашта дар Ироқ бар асари ҳамлаҳои гуногун 211 нафар ҷон бохтаанд.