Пайвандҳои дастрасӣ

Даҳҳо кушта дар ҳамлаи интиҳорӣ дар Қундуз


Дар ҳамлаи интиҳорӣ баъд аз зӯҳри рӯзи душанбе дар шаҳри Қундуз даҳҳо тан кушта шуданд.

Доктор Ҳумоюн Хомӯш, сартабиби бемористони Қундуз, ба бахши дарии Радиои Озодӣ гуфта, ки аз маҳали ҳодиса 37 кушта ва 39 захмӣ ба бемористон оварда шудааст.

Бар асоси гузоришҳо, аксари қурбониёни ин ҳодисаро афроде ташкил медиҳанд, ки барои пайвастан ба сафи Артиши миллии Афғонистон омада буданд.

Раисҷумҳури Афғонистон Ҳомиди Карзай ин рӯйдодро ба шиддат маҳкум кардааст. Толибони мусаллаҳ масъулияти ин ҳамлаи интиҳориро ба ӯҳда гирифтаанд.

Дар ҷараёни камтар аз як ҳафта, ин дуввумин ҳамлаи интиҳорӣ аст, ки дар Қундуз рух медиҳад.

Рӯзи ҷумъа дар як сӯиқасди низ маргталабона раҳбари пулиси вилояти Қундуз ҳам ба ҳалокат расид. Тайи солҳои охир ҷангиёни толиб ба вилояти як замон ороми Қундуз роҳ ёфтаанд.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG