Фиристодаи вижаи Иттиҳодияи Аврупо (ИА) дар умури Осиёи Марказӣ Пер Морел ва раҳбари бахши Русияву Аврупои шарқӣ ва Осиёи Марказӣ дар идораи сиёсати хориҷии ИА Гуннар Виганд рӯзи 15 март бо як сафари дурӯза вориди Тоҷикистон хоҳанд шуд. Онҳо фардо дар Душанбе дар нишасти солонаи махсуси баҳси масоили амнияти марзӣ ва ҳамкорӣ дар Осиёи Марказӣ ширкат хоҳанд кард. Дар ин ҳамоиш иштироки беш аз 100 вакил аз кишварҳои минтақа ва кишварҳову созмонҳои дигари зинафъ дар назар дошта шудааст..
