Пайвандҳои дастрасӣ

Хабари нав

Оғози бозиҳои Ҷоми даъвати AFC


Ҷоми даъвати AFC (Конфедеросиюни футболи Осиё) бо бозиҳои интихобӣ шурӯъ шуд. Дар се бозии аввал 6 тими миллӣ ширкат кард.

Камбоҷа бар Макао бо ҳисоби 3:1, Филиппин бар Муғулистон бо ҳисоби 2:0 ва Тайван бар Лаос бо ҳисоби 5:2 пирӯз шуданд.

Вале санаи баргузории бозии тимҳои миллии Бутан ва Афғонистон ҳанӯз мувофиқа нашудааст.

Бозиҳои ҷавобӣ миёни дастаҳои Макао – Камбоҷа ва Лаос – Тайван 16-уми феврал баргузор мешаванд. Тими Муғулистон дар бозии ҷавобӣ дар майдони худ бо мунтахаби Филиппин 15-уми март қувваозмоӣ хоҳад кард.

12 дастае, ки бар асоси натоиҷи мусобиқоти соли 2010-ум рейтинги баландтар дорад ва чаҳор тими ғолиби даври аввал , ҷамъ 16 даста, дар сабқати гурӯҳӣ ширкат хоҳанд кард.

Дастаҳо ба чаҳор гурӯҳ тақсим мешаванд. Аз ҳар гурӯҳ дудастаӣ ба сабқати ниҳоӣ роҳхат мегиранд. Сабқати гурӯҳӣ аз 20-ум то 31-уми марти соли 2011-ум дар майдони яке аз ширкаткунандагон баргузор мешавад. Сабқати ниҳоӣ соли 2012-ум доир хоҳад шуд.
Ҷадвали Ҷоми даъвати AFC:

Даври 1 (9-10 феврал, 16 феврал ва 15 марти соли 2011-ум)

Плей-офф 1: Бутан – Афғонистон (санаи баргузории бозӣ мувофиқа нашудааст )
Плей-офф 2: Филиппин – Муғулистон - 2:0
Плей-офф 3: Тайван – Лаос - 5:2
Плей-офф 4: Камбоҷа – Макао - 3:1

Сабқати гурӯҳӣ (20-31 марти соли 2011-ум)

Гурӯҳи «А»: Мянмар, Фаластин, Бангладеш, ғолиби плей-офф 2
Гурӯҳи «В»: Туркманистон, Ҳиндустон, ғолиби плей-офф 3, Покистон
Гурӯҳи «С»: Тоҷикистон, Ҷазоири Молдив, ғолиби плей-офф 4, Қирғизистон
Гурӯҳи «D»: Кореяи Шимолӣ, ғолиби плей-офф 1, Непал, Шри-Ланка

Шарҳҳоро бинед (1)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!
Ин баҳс баста шудааст.

Шарҳҳо

Шарҳи нав расид
Идома
XS
SM
MD
LG