Матбуоти Русия мегӯяд, ки мақомот бародар ва хоҳари нафари гумонбар ба анҷоми ҳамлаи маргталабонаи рӯзи 24 январ дар фурудгоҳи “Домодедово”-и шаҳри Маскавро боздошт кардааст. Бар асари он бомбгузорӣ 36 нафар, бо шумули 3 шаҳрванди Тоҷикистон, кушта шуданд. Мақомоти Русия мегӯянд, ин маргталаб Муҳаммад Евлоеви 20-сола зодаи ҷумҳурии Ингушистони Қафқози шимолист. Бино ба хабарҳо, додари 16-солаи ӯ Аҳмад ва хоҳари 22-солааш Фотима дар ин ҳафта бо гумони даст доштан дар ҳамлаи “Домодедово” боздошт шудаанд.Нафари севвуми боздоштшуда Умар Аушеви 23-сола ном бурда мешавад.
Ахиран Доку Умаров, фармондеҳи чирикиҳои чечен, масъулияти ин ҳамлаи хунинро бар дӯш гирифт.
Ахиран Доку Умаров, фармондеҳи чирикиҳои чечен, масъулияти ин ҳамлаи хунинро бар дӯш гирифт.