Як зиндонии собиқи афғон имрӯз дар додгоҳ бо вазорати дифоъи Дания сарбасар хоҳад шуд. Ғавсуллоҳ Тарин сарбозони Данияро ба шиканҷа айбдор карда, аз давлати Дания 9 000 доллар товон мехоҳад. Тарин дар ҷумлаи 31 нафаре буд, ки дар соли 2002 дар мадрасаи исломие дар Сангисор, минтақае дар наздикии шаҳри Қандаҳор аз сӯи сарбозони Дания боздошт ва ба нирӯҳои Амрико супурда шуданд. Онҳоро баъди 4 рӯз раҳо карданд, вале Тарин мегӯяд, ки ӯро шиканҷа додаанд.
