Пайвандҳои дастрасӣ

Бо амри раиси ҷумҳури Тоҷикистон хадамоти муҳоҷирати назди ҳукумати кишвар таъсис ёфтааст.

Мақомоти расмии Тоҷикистон мегӯянд, ҳадаф аз ташкили ин хадамот низоми ягонаи идоракунии муҳоҷирати корӣ ва ҳифзи ҳуқуқу манфиати муҳоҷирон дар кишварҳои хориҷӣ, бахусус, Русия будааст.

Ин хадамот дар заминаи хадамоти муҳоҷирати Вазорати корҳои дохилӣ ва намояндагии он дар Русия, Вазорати кор ва ҳифзи иҷтимоӣ ва Оҷонси давлатии ҳифзи иҷтимоӣ, шуғл ва муҳоҷирати ин вазорат ташкил ёфтааст.

Хадамоти муҳоҷирати назди ҳукумати Тоҷикистон танзими муҳоҷирати корӣ ба кишварҳои хориҷӣ, таълими касбии муҳоҷирон, ба кор таъмин кардани сокинон дар хориҷ аз кишвар ва ба роҳ мондани робита бо ҳамватанони бурунмарзӣ ва шаҳрвандони хориҷӣ дар Тоҷикистонро бар дӯш хоҳад дошт.

Торнамои раисҷумҳури Тоҷикистон менависад, “сохторҳои дахлдори Хадамоти муҳоҷират дар назди сафоратҳо ва консулгариҳои Тоҷикистон дар давлатҳое, ки муҳоҷирони меҳнатии Тоҷикистон фаъолият мекунанд, таъсис дода мешавад.”

Ҳоло раҳбарии Хадамоти муҳоҷирати назди ҳукумати Тоҷикистонро Сафиалло Девонаев, ки қаблан сардори хадамоти муҳоҷирати Вазорати корҳои дохилӣ буд, ба ӯҳда гирифтааст.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG