Имсол дар Тоҷикистон мехоҳанд майдони кишти пахтаро 50 000 гектар афзоиш диҳанд. Вазорати кишоварзӣ ҳамин тавр нақшаи солонаро барои соли 2011 ҳудуди 420 000 тонна пешбинӣ кардааст. Сиҷоуддин Исроилов, муовини вазири кишоварзӣ гуфт, боло рафтани нархи нахи пахта дар бозори ҷаҳонӣ боис шуда, ки онҳо рӯи афзоиши майдони кишти пахта бияндешанд. Соли гузашта Тоҷикистон аз 162 000 гектар 310 000 тонна пахта ҷамъ оварда, барои бори аввал дар 19 соли истиқлолаш нақшаи пахтасупориро иҷро кард.