Дар чаҳорчӯби ҷашнвораи филмҳои марбут ба ҳуқуқи инсон дар Маскав намоиши аксҳои наққош ва аккоси рус Роман Чеснов ифтитоҳ меёбад, ки зери унвони "Дар сарзамини барфӣ" ба ҳаёти мардуми водии Яғноби Тоҷикистон бахшида шудааст. Чеснов муддати ду моҳ дар Яғноб зиндагӣ карда, дар аксҳои хеш симо ва рӯзгори мардуми Яғнобро бозтоб додааст. Ҷашнвораро беҳтарин синемогарони Русия, Марлен Хутсиев, Вадим Абрашидов, Алексей Симонов ва за ҷумла коргардони тоҷик Валерий Аҳадов доварӣ мекунанд.
