Мақомоти расмии Амрико аз сомонаи интернетии Wikileaks интиқод карданд, ки феҳристи махфии ҷойҳоеро дар саросари ҷаҳон ифшо кардааст, ки ба ақидаи Амрико, барои амнияташ хеле муҳим аст. Филлип Кровлӣ-сухангӯи вазорати корҳои хориҷаи Амрико гуфтааст, нашри чунин феҳрист ба маънои додани ҳадафҳо ба гурӯҳҳои террористии Ал Қоида аст. Ҳилларӣ Клинтон-вазири корҳои хориҷаи Амрико мегӯяд, ин феҳристро аз ҳукумати Амрико дуздидаанд. Ба гуфтаи вай, чопи ин феҳрист "амиқан таассуфовар" аст ва ба Амрикову дӯстонаш зарари ҷиддӣ хоҳад расонд.