Тоҷикистон ва Қазоқистон изҳори омодагӣ намуданд, ки бо бунёди як хатти интиқоли баландшиддати барқ шабакаҳои барқи хешро бо ҳам васл кунанд. Қарор аст, ин хат аз қаламрави Қирғизистон гузашта бо талошҳои мушатарак сохта шавад. Ин изҳорот пас аз ҷаласаи кумиссюни дуҷонибаи ҳамкориҳои минтақаӣ дар шаҳри Душанбе садо дод. Қаблан нақшае мавҷуд буд, ки интиқоли барқ дар байни ду кишвар ба воситаи Узбакистон ҷараён ёбад, аммо Тошканд ба ин тарҳ мухолифат кард ва аз шабакаи ягонаи барқи Осиёи Марказӣ хориҷ шуд.
