Фиристодаи аршади НАТО гуфт, кӯдакон дар Кобул, пойтахти Афғонистон, назар ба Лондону Ню-Йорк ва бисёре аз шаҳрҳои дигари дунё амнияти беҳтар доранд. Марк Седвилл гуфт, аксари кӯдакони афғон ҳатто дар манотиқи таҳти нуфузи Толибон, чун Қандаҳор, рӯзгори худро дар амният паси сар мекунанд. Бино ба омори хабаргузории Ройтерс, дар нимаи аввали соли ҷорӣ дар Афғонистон бар асари таркиши бомбҳои худсохт ва ҳамлаҳои маргталабона 74 кӯдак ҷон додаанд.
