Мақомоти шаҳрдории Маскав пешниҳод кардаанд, ҳар мошини мусофирбаре, ки ба пойтахт ворид мешавад, бояд ҳақ пардохт кунад. Дар ин бора дар сомонаи шаҳрдории Маскав дар бахши нақлиёт санаде чоп шудааст. Ин нукта дар санади тавсеаи транзити иҷтимоӣ дар Маскав барои солҳои 2011-2013 таъкид шудааст. Дар санад омадааст, агар ин муқаррарот ҷорӣ ва мисли дигар шаҳрҳои бузурги Аврупо, аз ҷумла Лондон, бо муваффақият иҷро шавад, вуруд ба шаҳри пурмошину пуродам камтар хоҳад шуд.
