Давлати Олмон мехоҳад, то Амрико як тундрави боздоштшудаи олмонӣ дар Афғонистонро ба он кишвар таслим кунад. Бино ба гузоришҳо, Аҳмад Сиддиқии 36-сола ва сокини шаҳри Ҳамбург дар фурудгоҳи ҳавоии амрикоиҳо дар Багром дар ҳошияи шаҳри Кобул нигаҳ дошта мешавад. Мегӯянд, иттилоъ доир ба ҳамлаҳои эҳтимолии Ал-Қоида ба шаҳрҳои аврупоиро маҳз аз Аҳмад Сиддиқӣ гирифтаанд. Додситонии кулли Олмон гуфт, Аҳмад Сиддиқӣ ба узвият дар Ҳаракати Исломии Ӯзбакистон муттаҳам мешавад, ки як созмони терористист.
