Додгоҳи олии қонуни асосии Фаронса қонунмандии манъи ниқоб ва бурқа дар ҷойҳои ҷамъиятиро тасдиқ кард. Вале гуфт, масҷиду ибодатгоҳҳо дар ин ҳолат набояд "ҷойҳои ҷамъиятӣ" шумурда шаванд. Қонунгузории нав дар навбати аввал ба либоси занони мусулмон нигаронида шуда ва эътирози онҳоро ба бор овардааст. Интизор меравад, тарҳи қабулшуда дар баҳори соли 2011 эътибор пайдо кунад, аммо коршиносон мегӯянд, ояндаи тарҳ ба ҳалномаи Додгоҳи аврупоии ҳуқуқи башар дар Страсбург бастагӣ хоҳад дошт.
