Нирӯҳои НАТО дар бораи ҳалокати боз 2 сарбози худ дар Афғонистон хабар доданд. Як сарбоз субҳи имрӯз дар натиҷаи ҳамлаи чирикиҳо дар шимоли ин кишвар ва сарбози дуввум рӯзи шанбе бар асари таркиши бомби канори роҳ дар ҷануби Афғонистон ҷон бохтаанд. Ҳуввият ва миллияти сарбозони кушташуда эълон нашудааст, вале бо ҳалокати ин 2 сарбоз ҷамъи асокири хориҷии имсол дар Афғонистон кушташуда ба 553 нафар расид.
